Dhewe

Dhewe

(Chrys. Siddha Malilang)

spaso

Aku ngadeg dhewe

lola kaya kere

ora ana sing gelem mrene

mung awakku dhewe

spasi

Ngalor peteng

Ngulon ireng

Ngetan thuntheng

Ngidul blereng

spasi

Mbaung aku nangis brambang

ditinggal kadang

diidak rencang

anane mung dibalang

spasi

Apa pantes aku dikuya-kuya?

Mung amarga aku beda?

Apa wong kabeh padha ora waskita

yen aku iku ya manungsa

soasi

Sujud aku sedhih

Luhku wus dadi getih

Tyas rumangsa perih

Ngesot nggoleki ora tau kepanggih

spasi

Ngglimpung,

srumpung,

kesandung-sandhung.....

spasi

Nanging aku tetep ngadeg

orang ketang dhadha sesek,

direwangi idu dilek........

spasi

Supaya kabeh padha weruh,

aku isih duwe ruh,

isih nembangake gambuh,

nganggo lambe abuh......